12 mijë euro për shkuar në SHBA e Angli, kapat banda me 8 persona, 2 në kërkim (EMRAT)

Kryesore Provinca

Nje bande prej 8 personash eshte arrestuar nga policia e Shkodres, pasi akuzohen per trafikim personash ne drejtim te Anglise dhe SHBA, duke falsikuar pasaporta, vula, dokumente shkollore. Drejtori i Policise se Shkodres, Vehbi Bushati ne konferencen per shtyp beri publike menyren se si funksiononte kjo bande ne qytetin e Shkodres, duke bere te ditur gjithashtu se policia ka shpallur ne kerkim edhe dy persona.

 

Deklarata e Plote

Strukturat e Drejtorisë Vendore të Policisë Shkodër, në bashkëpunim me Prokurorinë e Rrethit Gjyqësor Shkodër dhe Drejtorinë e Forcës Operacionale në Drejtorinë e Përgjithshme të Policisë Shtetit, finalizuan operacionin e koduar “Garantuesit”.

Gjatë këtij operacioni u arrestuan 8 shtetas dhe janë shpallur në kërkim 2 të tjerë, të cilët vepronin si një grup i strukturuar kriminal, që merrej me trafik personash drejt Anglisë dhe SHBA, nëpërmjet një skeme që funksiononte në bazë të falsifikimit të dokumenteve të ndryshme të identitetit etj..

U sekuestrua gjithashtu një laborator që shërbente për falsifikimin e dokumenteve si dhe prova të shumta materiale të kësaj skeme trafiku.
Shtetasit e arrestuar akuzohen për shkelje të disa neneve të Kodit Penal të tilla si për: “Ndihmë për Kalim të Paligjshëm të kufirit”; “Prodhim i mjeteve për falsifikim të dokumenteve”; “Falsifikim i vulave dhe stampave ose formularëve”; “Falsifikim i letërnjoftimeve pasaportave ose vizave”; “Falsifikim i dokumenteve shkollorë”; “Prodhim e shitje narkotikësh”.

Ndalimi i tyre është bërë në kuadër të procedimit penal të vitit 2018, pasi nga tërësia e veprimeve hetimore të kryera, rezulton se ky grup i mirë-organizuar kryente veprimtari kriminale në drejtim të dhënies ndihmë për kalim të paligjshëm të kufirit drejt vendeve të Bashkimit Europian dhe ShBA-së.

Këto veprime bëheshin kundrejt pagesës së shumave të ndryshme që varionin nga 8.000 euro deri në 12.000 euro. Ndihma e ofruar konsistonte ne falsifikimin e dokumenteve në vendet e origjinës shtete të BE-së, ku këta shtetas në bashkëpunim me njeri-tjetrin, mundësonin gjetjen e personave dhe më pas, pajisjen e tyre me dokumente te falsifikuara (karta identiteti italiane dhe greke, leje drejtimi, karta studenti etj.) dhe nga përdorimi i tyre mundësohej kalimi për në Angli dhe SHBA.

Rruga që ndiqnin personat ishte nga Shqipëria, (Sicili)-Itali, – Maltë – Angli, si dhe nëpërmjet një rruge tjetër Shqipëri – Kosovë – Kroaci – Itali – Maltë – Angli – Sh.B.A.

Po kështu këta shtetas u ofronin personave të interesuar, kundrejt pagesës, shoqërimin e tyre deri në destinacionin final, si dhe realizonin martesa fiktive me shtetase dhe shtetas bullgarë nëpër zyra të ndryshme të Gjendjes civile të Shqipërisë.

Autorët e arrestuar dhe rolet që kryenin në grup janë:
• Gazmend Garupi, 44 vjeç, banues në fshatin Kosmaç, Shkodër, i arrestuar për veprën penale “Ndihmë për Kalim të Paligjshëm të kufirit”, “Falsifikim i letërnjoftimeve pasaportave ose vizave” dhe “Falsifikim i dokumenteve shkollorë”. Ky shtetas ishte në rolin kryesor, atë të organizatorit.

• Sotiraq Antoni, 52 vjeç, banues në Korçë, i arrestuar për “Ndihmë për Kalim të Paligjshëm të kufirit”, “Falsifikim i letërnjoftimeve pasaportave ose vizave” “Prodhim i mjeteve për falsifikim të dokumenteve”, “Falsifikim i vulave dhe stampave ose formularëve” dhe “Falsifikim i dokumenteve shkollor”. Ky shtetas kishte rolin e bashkëpunëtorit kryesor, pasi siguronte gjithë dokumentet e falsifikuar në vendet e BE-së dhe në Shqipëri.

• Haxhi Ramadani, 54 vjeç, banues në Kosmaç, Shkodër, i arrestuar për veprën penale “Ndihmë për Kalim të Paligjshëm të kufirit”, “Falsifikim i letërnjoftimeve pasaportave ose vizave” dhe “Falsifikim i dokumenteve shkollorë”. Ky shtetas ishte në rolin e bashkëpunëtorit.

• Bledjan Ramadani, 29 vjeç, banues në Kosmaç Shkodër, i arrestuar për veprën penale “Ndihmë për Kalim të Paligjshëm të kufirit”, “Falsifikim i letërnjoftimeve pasaportave ose vizave” dhe “Falsifikim i dokumenteve shkollorë”. Ky shtetas ishte në rolin e ndihmësit.

• Eduart Shima, 37 vjeç, banues në Shkjezë, Shkodër në rolin e rekrutuesit.

• Pllumb Pali, 47 vjeç, banues në Gruemirë, Malësi e Madhe. Siguronte dokumente të falsifikuar (falsifikator).

• Shpëtim Kiri, 59 vjeç, banues në Shkodër dhe Korçë, në rolin e transportuesit dhe ndihmësit.

• Nikolla Mano, 59 vjeç, banues në Korçë, arrestuar për “Falsifikim i letërnjoftimeve pasaportave ose vizave”, “Prodhim i mjeteve për falsifikim të dokumenteve”, “Falsifikim i vulave dhe stampave ose formularëve” dhe “Falsifikim i dokumenteve shkollorë, ku banesa e tij përdorej si bazë dhe kishte një laborator për falsifikimin e dokumenteve.

Ndërsa janë shpallur në kërkim shtetasit:

– K.P.,46 vjeç, banues në Lezhë, në rolin e ndihmësit pasi ndërmjetësonte martesat fiktive me shtetase bullgare.

– Y.Th. 36 vjeç, banues në Kosmaç, Shkodër, i shpallur në kërkim për “Ndihmë për Kalim të Paligjshëm të kufirit”, dhe “Prodhim e shitje narkotikësh. Ky person kishte rolin e ndihmësit.

Në kuadër të këtij hetimi në përfundim të operacionit, janë sekuestruar në cilësinë e provës materiale.
– Laborator për falsifikimin e dokumenteve, ku u gjetën 3 njësi kompjuteri, 2 laptopë, 5 skanera, 5 printera, 3 printer-skaner, 5 vula të ndryshme, 14 usb, 17 tampona vulash, 1 pasaportë biometrike, 1 kartë identiteti, 10 platforma me strukturë plastike, 2 karta identiteti të huaja, fotografi pasaportash, materiale kancelarie të ndryshme, lëndë narkotike e dyshuar kanabis sativa 2 kg, 9 copë telefona celulare, 4 automjete të markave të ndryshme, dhe 1 armë gjahu. Materialet iu referuan Prokurorisë së Rrethit Gjyqësor Shkodër për veprime të mëtejshme ligjore.

Ndërkohë paralelisht me operacionin e zhvilluar më lart, gjatë orëve të mbrëmjes dhe orëve të para të mëngjesit, është zhvilluar një tjetër operacion në Shkodër.

Falë ndërhyrjes në kohë e me profesionalizëm nga shërbimet të Komisariatit Policisë Shkodër, Forcës së Posaçme Shqiponja të D.V.P. dhe FNSH, – në lagjen “Kongresi i Përmetit” Shkodër, është bërë arrestimi në flagrancë i dy prej autorëve si dhe është shpallur në kërkim autori i tretë, të cilët po dhunonin barbarisht shtetasin në banesën e vet, me qëllim që t’u jepte shumat e parave, që mund të kishte në shtëpi.

Policia e Shkodrës mbetet e angazhuar dhe e motivuar për të parandaluar dhe goditur veprimtarinë kriminale në çdo formë që ajo shfaqet, dhe në këtë kuadër kërkon bashkëpunimin e qytetarëve, duke denoncuar çdo shkelje në numrin 112. Së bashku krijojmë një ambjent më të sigurt e të qetë!

 

ShkodërKonferenca për shtyp e Drejtorit Vendor të Policisë Shkodër, Drejtues Vehbi Bushati dhe Prokurores së Rrethit Gjyqësor Shkodër, Znj. Esmeralda Ndoci, për finalizimin me sukses të operacionit policor të koduar “GARANTUESIT”, ku u arrestuan 9 shtetas dhe u shpallën në kërkim 2 të tjerë, si dhe u sekuestrua një laborator që shërbente për falsifikim të dokumentave.

Gepostet von Drejtoria Vendore e Policisë Shkodër am Freitag, 27. Juli 2018

Loading...

Leave a Reply

Your email address will not be published. Required fields are marked *