Bayern Munchen në krizë totale, Dordmund fitore e çmendur

Botë Sport

Bayern Munchen zhgënjen sërish. Në “Allianz Arena”, skuadra e Niko Kovac u mposht me rezultatin e pastër 0-3 nga Borusia Monchengladbach.

Kampionët në fuqi të Gjermanisë nuk fitojnë prej 3 ndeshjesh radhazi në kampionat, që bëhen 4 nëse u shton edhe barazimin në Champions ndaj Ajaxit.

Pas kësaj disfate, stoli i Kovac është në rrezik.

Borussia e Dortmundit fitoi 4-3 ndaj Augsburgut në një nga ndeshjet më spektakolare deri tani, jo vetëm në Bundesligë, por në të gjithë planetin.

Në “Signal Iduna Park” u bë protagonist Paco Alcacer, sulmuesi i ardhur nga Barcelona që takimin e nisi nga stoli. Spanjolli shënoi 3 gola në vetëm 30 minuta lojë, duke i dhënë 3 pikë shumë të vlefshme verdhezinjve.

Pjesa e parë përfundoi në avantazhin e Augsburgut, që shënoi me anë të Finnbogasson, ndërsa “verdhezinjtë” baraspeshuan rezultatin në fillim të pjesës së dytë me Pacon.

Augsburgu kaloi sërish në avantazh më anë të Max, para se Alcacer dhe Mario Gotze të çonin rezultatin 3-2 për Borussian. Augsburgu riktheu edhe njëherë baraspeshën në minutën e 87 dhe kur u duk se dy skuadrat do të ndanin nga një pikë, ishte sërish spanjolli Alcacer që shënoi golin e tretë personal dhe të katërtin për Dortmundin.

Borussia e Dortmundit kryeson Bundesligën me 17 pikë, e ndjekur nga Borusia Monchengladbach, Werder Bremen dhe Hertha Berlin me nga 14 pikë. Ndersa Bavarezet renditen ne vendin e 5-te.

Loading...

Leave a Reply

Your email address will not be published. Required fields are marked *