Betohen Biden e Harris, presidenti: Demokracia triumfoi

Botë Kryesore Rrotull Slider kryesore

Presidenti i ri i zgjedhur amerikan Joe Biden, është betuar si presidenti i 46-të i Shteteve të Bashkuara.

Biden ka thënë se sot është ‘dita e SHBA’ e demokracisë dhe e shpresës.

Presidenti i ri i SHBA ka thënë se është për një fillim të ri, për të shuar mosmarrëveshjet dhe u ka premtuar amerikanëve se do të jetë president për të gjithë si për ata që e mbështetën por edhe për të tjerët që ishin kundër tij.

“Kjo është dita e demokracisë, e shpresës. Kjo është një ditë vendimtare për të gjithë amerikanët. Sot nuk festojmë triumfin e një kandidati por triumfin e vullnetit të njerëzve. Demokracia ka triumfuar.

Para pak ditësh dhuna kërcënoi Kapitolin kur ne donim të kishim atë transferimin paqësor të pushtetit siç ka ndodhur në shekuj. Por dita e sotme është triumfi i forcës sonë si komb. Kemi shumë për të shëruar”, tha Biden.

“Amerika është testuar përsëri dhe Amerika është ngritur në sfidë,” shtoi ai.

Ai tha se “kauza e demokracisë” festohet sot.

“Vullneti i njerëzve është dëgjuar dhe vullneti i njerëzve është marrë parasysh,” tha Biden.

Pasi bëri betimin e zyrës, Joe Biden tha se Dita e Përurimit ishte një festë e demokracisë dhe se “vullneti i njerëzve është dëgjuar”.

“Sot ne festojmë triumfin, jo të një kandidati, por të një kauze – kauzës së demokracisë. Vullneti i njerëzve është dëgjuar dhe vullneti i njerëzve është marrë parasysh. Ne kemi mësuar përsëri se demokracia është e çmuar Demokracia është e brishtë. Dhe në këtë orë, miqtë e mi, demokracia ka mbizotëruar “.

Ai u betua me asistim të Kryetarit të Gjykatës së Lartë John Roberts. Biden bëhet zyrtarisht presidenti i 46-të i Shteteve të Bashkuara.

Presidenti bëri betimin me fjalët: “Betohem solemnisht se do ta përmbush me besnikëri detyrën time si president i Shteteve të Bashkuara dhe se do ta ruaj dhe mbroj më së miri Kushtetutën e Shteteve të Bashkuara”.

Biden, 78 vjeç, është presidenti më i vjetër amerikan që merr detyrën. Ai i ka fituar zgjedhjet presidenciale të 3 nëntorit, 2020, kundrejt presidentit të deritanishëm, Donald Trump. Kongresi e ka miratuar fitoren e tij më 6 janar.

Para marrjes së detyrës, zoti Biden dha një mesazh uniteti, posaçërisht për nevojën e bashkimit për t’u përballur me sfidat e shkaktuara nga pandemia që u mori jetën 400 mijë vetave në Shtetet e Bashkuara dhe shkaktoi shumë vështirësi ekonomike.

“Duhet të kujtojmë. Ndonjëherë është e dhimbshme të kujtosh, por kështu rimëkëmbemi. Është e rëndësishme ta bëjmë një gjë të tillë si komb,” tha zoti Biden të martën vonë ndërsa bashkë më zonjën Harris udhëhoqi një ngjarje përkujtimore para Memorialit të Linkolnit për ata që kanë vdekur.

Ai më vonë u zotua të “fillojë menjëherë nga puna” pasi të jetë betuar, duke thënë se “nuk kemi asnjë sekondë për të humbur kur bëhet fjalë për të trajtuar krizat me të cilat përballemi si komb”.

Top Channel

Leave a Reply

Your email address will not be published. Required fields are marked *