E hëngërt mortja!’/ Plas gallata, Murrizi ,batuta me socialistët: E mbajn unë qeverinë me këtë kusht

Kryesore Lajme Politikë Slider kryesore

TIRANË– Rrëzohet projektiligji i propozuar nga opozita parlamentare për dekomunizmin e politikës. Në mbledhjen e sotme të Komisionit për Çështjet Ligjore, Administratën Publike dhe të Drejtat e Njeriut u vendos me shumicën e votave për rrëzimin në parim të projektligjit të përgatitur, ndërkohë që dosja do të kalojë edhe në Kuvend për t’u diskutuar.

Gjatë mbledhjes, nismëtari i projektligjit, deputeti Myslim Murrizi, ka kërkuar ndihmë dhe mbështetje nga anëtarët e tjerë të komisionit, për të larguar personat me të shkuar të dyshimtë por nuk ia ka dalë për t’i bindur. Anëtarët e tjerë të Komisionit janë shprehur se personat që kanë pasur poste disa vite me parë, tani janë minimalisht në moshën 60-vjeçare dhe nuk mbajnë më poste publike.

Në mbledhjen online, nuk kanë munguar as batutat, pasi Murrizi i ka kërkuar edhe deputetit socialist Alket Hyseni, një letër që vërteton se nuk ka qënë pjesë e strukturave të kohës. Në video-bisedë kanë shpërthyer të qeshurat në momentin kur Murrizi po lexonte disa pseudonime, ndër të cilët ishte edhe mbiemri i tij.

Më tej në fjalën e tij, zv.kryetari i Parlamentit ka shprehur vullnetin e tij për të ndihmuar maxhorancën në miratimin e çdo ligji nëse mbetet me më pak deputetë, ndërsa kryetari i Komisionit, Ulsi Manja e kundërshtoi duke u shprehur se në radhët e PS-së, nuk kishte ‘të tillë’.

PJESË NGA BISEDA:

Muslim Murrizi: Hajde more i heqim. Rri unë në parlament, rrinë edhe ata që përndoqën At’ Zef Pllumin. Ka vend të rrijë kjo. Ti zoti Hyseni duhet të sjellës vërtetim. Nëse ke qënë mbi 16 vjeç kur ka rënë komunizmi, duhet ta sjellës se në atë moshë rekrutonin disa ministra. Po ke qënë më pak shpëtove. Hajde bashkohemi ti heqim qafë; çakmakun, qukapikun, murrizin, se paska edhe pseudonimin tim që e hëngërt mortja. Më vjen për vjellë kur i shikoj të gjitha këto.

Ulsi Manja: Zoti Murrizi harruat librin…

Muslim Murrizi: Libri është i fundit. Erdhën në 90 me bardesy të bardha dhe tani kanë ardhur me shalë të gjata. Ne edhe duam të hynë në Europë dhe kemi komunistët në Kuvend. Unë ia kujtoj kësaj maxhorance, iu shumë pak keni për fat të mirë. PS është aset kombëtar, njësoj si çdo parti politike.

Ulsi Manja: Këtej nga ne është e pastër. Kanë shkuar tek Libri këta të tjerët. Po intersohen për Teatrin.

Muslim Murrizi: Hajde t’i qërojmë këta, që e kanë emrin në kartelat e dosjeve. Unë të garantoj se për 5-6 persona nuk bie qeveria, deri në 2021 do të votoj unë le të thonë ca të duan për ta mbajtur qeverinë në këmbë.

Nisma ligjore, e cila do të vërë edhe një herë në provë deputetët për dekomunistizimin e politikës dhe shtetit, është propozuar nga 21 deputetë të opozitës, me në krye Myslim Murrizin.

Loading...

Leave a Reply

Your email address will not be published. Required fields are marked *