FOTO/ Izet Haxhia del para Gjykatës, kërkon rihapjen e dosjes ‘Azem Hajdari’

Kronike Lajme

Izet Haxhia ka dalë për herë të parë përpara Gjykatës së Tiranës. Jane fotot e para të ish-truprojës së Sali Berishës, një muaj pas ekstradimit nga Turqia, i cili për herë të parë shfaqet përpara një gjykate shqiptare.

Izet Haxhia kërkon rihapjen e dosjes “Azem Hajdari”, kërkesë e cila do shqyrtohet sot nga Gjykata e Tiranës. Trupa gjykuese kryesohet nga gjyqtari Besnik Hoxha, i cili është bërë i njohur për gjyqin e 21 janarit pasi shpalli të pafajshëm gardistët që vranë 4 protestuesit e opozitës në Bulevardin Dëshmorët e Kombit. Në këtë proces, Izet Haxhia mbrohet nga avokati Bashkim Nikolla, ndërsa pala e akuzës nga Prokurori Petrit Bici.

Ai eshte shfaqur i qeshur, i veshur me xhakete dhe kemishe te bardhe dhe nuk ka ngurruar qe te pershdese me dore dike qe ka qene brenda ne sallen e gjyqit.

Gjyqtari i Tiranës, Besnik Hoxha, do të shqyrtojë kërkesën për rivendosje në afat të ankimimit për çështjen e Izet Haxhias. Pak javë
më parë, avokati i ish-truprojës së Berishës, Bashkim Nikolla pati dorëzuar një kërkesë për rivendosje në afat të ankimit për vendimin
që e dënoi me 25 vjet burgim për vrasjen e Azem Hajdarit. Kjo ishte edhe lëvizja e parë e Izet Haxhias, që pas ekstradimit nga Turqia.

I pranishem ne kete seance eshte edhe vellai i Izetit,

KËRKESA
Në kërkesë thuhet se vendimi i Gjykatës për të pandehurin Izet Haxhia është i pabazuar në dispozitat e Kodit të Procedurës Penale, në
Dispozitat Kushtetuese dhe në Aktet Ndërkombëtare.

“Vërtetohet se gjykimi i kësaj çështjeje në të gjitha shkallët e gjykimit është zhvilluar në mungesë të të pandehurit Izet Haxhia dhe pa
dijeninë e tij. Ai nuk ka lëshuar asnjë lloj prokure për avokatin që e ka përfaqësuar në gjykimin e Gjykatës së Shkallës së Parë. Ai nuk ka
pasur dijeni për ankimimin që i është bërë vendimit në Gjykatën e Apelit Tiranë, e cila e ka lënë në fuqi vendimin e Shkallës së Parë.
Vetë Izet Haxhia provohet se nuk ka bërë deklarime përpara organeve proceduese. I pandehuri Izet Haxhia, në vazhdimë- si, deri më datën
08.05.2018 kur u ekstradua, ka qëndruar në Turqi, nën mbikëqyrjen e vazhdueshme të autoriteteve shtetërore të këtij vendi. Vërtetohet që
drejtues të Ministrisë së Drejtësisë së Republikës së Shqipërisë, i kanë komunikuar Ministrisë së Drejtësisë së Turqisë, më datën 06.04.2007,
garancitë e shtetit shqiptar për rigjykimin e Izet Haxhias, në zbatim të Dispozitave Kushtetuese të Kodit të Procedurës Penale – 147, 148,
449, 450, 453.

Gjithashtu, drejtuesit e Ministrisë së Drejtësisë, kanë garantuar respektimin e Konventës Europiane për Mbrojtjen e të Drejtave dhe
Lirive Themelore të Njeriut, si edhe të Paktit Ndërkombëtar të 16 dhjetorit 1966 në lidhje me të Drejtat Civile dhe Politike. Duke u
bazuar në këto garanci, i pandehuri Izet Haxhia u paraqit pranë autoriteteve të Policisë turke me qëllim realizimin e ekstradimit më
datën 08.05.2018 në Rinas, Shqipëri, duke qenë i bindur se ai do të dëgjohet nga gjykatat shqiptare, sepse çështja penale në ngarkim të
tij do të rigjykohej, meqenëse ai është gjykuar dhe dënuar në mungesë”, shkruan kërkesa.

 

Loading...

Leave a Reply

Your email address will not be published. Required fields are marked *