Ftesa e Ramës dhe OSBE-së, Basha: E pasinqertë, pa hequr Gjiknurin gjetjen e fajtorit nuk ka zgjidhje të krizës

Kryesore Lajme Politikë Slider kryesore

Kreu i Partisë Demokratike, Lulzim Basha, i është përgjigjur ftesës së kryeministrit Edi Rama, i cili kërkoi sot takim pa kushte për Reformën Zgjedhore. Kreu i opozitës tha se Reforma Zgjedhore nuk mund të bëhet me Damian Gjiknurin, i cili është pjesë e dosjes “184”.

Sipas Lulzim Bashës, një ftesë e tillë është tallje dhe provokim, ndërsa me ironi i kërkoi Ramës që të ftojë edhe disa nga krerët e bandave, si Emiljano Shullazin, Bajrin, Avdylajt, etj.

Basha është dyshues te ftesa e Ramës, duke e cilësuar si të pasinqertë.

Basha: Kërkesa të tilla nuk janë të sinqerta kudo në botë. Sot për gjithë shqiptarët prioritet është zgjidhja e krizës. Kriza ekonomike mund të zgjidhet vetëm duke u zgjidhur kriza politike. Zgjidhja e krizës politike është prioritet absolut i Shqipërisë, është prioritet absolut i Partisë Demokratike dhe opozitës së bashkuar. Këtë krizë politike nuk e ka shkaktuar kodi zgjedhor dhe as Kushtetuta dhe ligjet e Shqipërisë. Raporti i OSBE-ODIHR është i qartë, hapet me fjalinë se korniza ligjore është e plotë por mungon vullneti politik. Ndaj zgjidhja e krizës politike si prioriteti absolut për Shqipërinë dhe për lajmin pozitiv që duam dhe kërkojmë të integrimit të Shqipërisë në BE duhet të vijë vetëm përmes vullnetit politik.

Mungesën e sinqeritetit të Ramës, Basha e sheh edhe tek përfshirja e Damian Gjiknurit në reformën zgjedhore.

Basha: Nuk mundbtë fshihemi as pas letrave dhe fletërrufeve publike, as pas kërkesave të pasinqerta, as pas provokimeve të rënda siç është ai i ftesës nga një individ si Damian Gjiknuri që është një nga të dyshuarit kryesorë të dosjes 184. Nëse ideja e reformës zgjehdore përfshin Damian Gjiknurin atëherë të ftojnë dhe Ymer Lalën, Safet Bajrin, Shullazin dhe Avdylajt se kjo pastaj është tallje dhe provokim me gjithë shqiptarët. Reforma zgjedhore është shumë e rëndësishme. Opozita ka përgatitur tash dy vjet një platformë për reformën zgjedhore që është shumë më shumë se ndrysimet në kodin zgjedhor apo penal. Duhet të përfshijë një transformim të thellë politik që të çojë vendimmarrjen te qytetarët shqiptarë dhe të krijojë mekanizmat me anë të cilave kurrë më të mos përsëritet një krizë e tillë.

Pjesë nga deklarata e Bashës:

Dhënia fund krizës politike është prioritet absolut i Shqipërisë, i PD dhe i opozitës së bashkuar. Të gjithë e dimë se këtë krizë nuk e ka shkaktuar Kodi Zgjedhor, Kushtetuta dhe ligjet, pasi këto të fundit nuk janë përgjegjëse për Valdrin Pjetrin, Mark Babanin, Agim Kajmakun, dhe as për vjedhjet e votave të 30 qershorit.

Zgjidhja e plotë për Shqipërinë dhe për lajmin pozitiv për integrim duhet të vijë vetëm nga zgjidhja e krizës politike. Nuk mund të fshihemi pas ftesës, që është ajo me një individ si Damian Gjiknuri, i përfshirë në dosjen 184. Atëherë le të ftojnë dhe Shullazin, Bajrin, Avdylajt, sepse kjo është një tallje, një provokim për të gjithë shqiptarët.

Reforma Zgjedhore është shumë e rëndësishme, opozita ka përgatitur një platformë për këtë reformë, që duhet të përfshijë një transformim të thellë politik, ku të mos përsëritet kurrë më një krizë e tillë. Opozita po përgatit platformën e saj, që do ta diskutojë me gjithë grupet e interesit dhe qytetarët shqiptarë.

Hapi i parë për zgjidhjen e krizës duhet të jetë pranimi i krizës, kjo mund të shtojë bazën drejt një rrugëdalje nga kriza. Një reformë zgjedhore të plotë, që do ta bëjë politikanin shërbëtor të interesit publik dhe jo përfitues të të mirave materiale.

 

LIVE – Komunikim me gazetarët

Gepostet von Lulzim Basha am Mittwoch, 18. September 2019

Loading...

Leave a Reply

Your email address will not be published. Required fields are marked *