Historia/ Infermierja e shëruar nga COVID: Kalova gjendje ankthi, por falë mjekëve e kalova!

Shëndeti Të tjera

Kryeministri Edi Rama ka sjellë këtë të diel një tjetër histori të një paciente të prekur me COVID. Bëhet fjalë për historinë e infermieres Pashkë Prendi.

Në rrëfimin e saj, Pashkja ka treguar se si ka përjetuar gjendje ankthi dhe stresi teksa ishte në spital, por gjendja e saj shëndetësore u normalizua falë një shërbimi mjekësor shumë të mirë, siç e tregon ajo.

“Më 23 mars, jam nisur me  urgjencë për të Infektivi. Kur jam paraqitur, kam gjetur si mjeke Esi Dukës është heroinë për punën që më ka shërbyer të gjithë, si mua 50 vjeçe si gruan 80-vjeçe. Ditën e parë që kam arritur në Urgjencën e Tiranës ishe me parametrat e Oksigjenit, shumë-shumë poshtë normës. Të 9 ditë kam arritur që të normalizohem nga shërbimi që më është bërë aty. Janë mjek heronjë të punës, duke fillua nga Najada Como, një zemër gjerë, Esi Duka, Mira, mbiemrin nuk ia di vetëm i lexoja te kostumi, 3 herë në ditë më vizitonin, jo 1 herë, por 3. Kalova një gjendje ankthi, por nga shpirti dhe zemra e tyre unë e kalova. Me fjalët, punën e shërbimit. E them me shpirt, nuk e them për reklamë dhe i bëj thirrje të gjithëve , mos vono, Zoti lart e mjeku në tokë”, shprehet infermierja.

Në fund, Pashka bën edhe një premtim.

“Ashtu si më shpëtoi doktoresha që më mori në patronazh, dua t’ju shërbej edhe unë pacientëve, me shumë dashuri, vullnet dhe shërbim mjekësor”, mbyll rrëfimin e saj Pashkja.

https://www.facebook.com/edirama.al/videos/717824695506958/

blob:https://www.facebook.com/e88df34f-8aae-4f5b-8690-db0cc719be96
Loading...

Leave a Reply

Your email address will not be published. Required fields are marked *