Inter eliminohet mes turpit, ja 8 skuadrat çerekfinaliste

Botë Kryesore Sport

Edhe sezoni 2018-2019 mbyllet pa asnjë trofe për Interin që u eliminua nga Eintracht i Frankfurtit në raundin e 1/8-ave të Europa League.

Ky kompeticion ishte mundësia e vetme që zikaltrit të fitonin një trofe, që u mungon që nga viti 2011, kur kanë fituar për herë të fundit Kupën e Italisë.

Interi me shumë mungesa, që mezi formonte një 11-she me lojtarët e skuadrës së parë, ia dhuroi vetë kualifikimin gjermanëve, të cilët ruajtën nderin e Bundesligës, pasi Frankfurti është skuadra e vetme gjermane që vazhdon rrugëtimin në Europë.

Një gol i Luka Jovic pas vetëm 5 minutash, që erdhi si rrjedhojë e një gafe të Stefan De Vrij, mjaftoi që skuadra e Adi Hutter të mposhtte 0-1 Interin në “San Siro” dhe ta eliminonte nga Europa League.

Ndryshe nga Interi përmbushi të gjitha pritshmëritë Arsenali që përmbysi humbjen 3-1 të sfidës së parë ndaj Rennes duke fituar 3-0 në “Emirates Stadium” falë dygolëshit të Aubameyang dhe finalizimit të Maitland-Niles.

U kualifikua lehtësisht Villareali që mposhti edhe në ndeshjen e kthimit Zenitin këtë herë me rezultatin 2-1. Moreno dhe Bacca ishin autorët e golave për spanjollët ndërkohë që për Zenitin ngushtoi shifrat në fund mbrojtësi serb Ivanovic.

Surprizën e vërtetë e bëri Sllavia Prague, që eliminoi nga kompeticioni spanjollët e Sevillas. Pas 90 minutash në barazim 2-2, ndeshja shkoi në shtesë, ku fillimisht Sevilla kaloi në avantazh, por çekët bënë mrekullinë, duke shënuar dy herë të tjera.

Vetëm pas 30 minutave shtesë u kualifikua edhe Benfica, që mposhti Dinamon e Zagrebit me rezultatin final 3-0, duke zhvlerësuar humbjen në Kroaci dy javë më parë.

Ekipet qe u kualifikuan me te zeza

Dynamo Kyiv 0 – 5 Chelsea
FC Krasnodar 1 – 1 Valencia
Salzburg 3 – 1 Napoli
Arsenal 3 – 0 Rennes
Benfica 3 – 0 Dinamo Zagreb
Inter 0 – 1 Eintracht Frankfurt
Slavia Prague 4 – 3 Sevilla
Villarreal 2 – 1 Zenit St. Petersburg

Loading...

Leave a Reply

Your email address will not be published. Required fields are marked *