Jemi pa Gjykatë Kushtetuese! Vettingu pritet të rrëzojë anëtaren e pestë

Politikë shtojca
 Gjurma 23/04/2018

Edhe gjyqtarja Altina Xhoxhaj rrezikon të ngelë në provimin e vettingut për shkak të pasurive. Në seancën dëgjimore ishte radha e saj, që mban detyrën e gjyqtares Kushtetuese prej tetë vitesh, ndërsa më herët ka qenë gjyqtare në Shkallën e Parë.

Profesoresha e së drejtës tregtare në raportet e Inspektoriatit të Lartë të Deklarimit e Kontrollit të Pasurive rezulton me pasuri të justifikuara.

Por gjyqtarja Komisionit të Pavarur të Kualifikimit deklaroi se ishte kryer një hetim tjetër administrativ nga ku hidhen hije dyshimi mbi të ardhurat.

Konkretisht, sipas KPK gjatë blerjes së një apartamenti 101 metra katrorë në Tiranë, Xhoxhaj nuk justifikon të ardhurat prej mbi 4 milionë lekë.

Nuk justifikohen gjithashtu dy llogari bankare që janë 61 mijë dollarë dhe 15 mijë euro, si edhe kursimet me vlerën e 6 milionë lekëve.

Edhe për truallin në Gjirin e Lalzit dhe një banesë dupleks, nuk dihej burimi i 450 mijë lekëve në këtë investim. Sipas KPK, nga hetimi administrativ gjyqtarja Kushtetuese nuk justifikon gjithashtu edhe shpenzimet ndër vite.

Sa i takon anës profesionale, KPK thotë se gjyqtarja ka zbardhur me vonesë vendimet dhe në një rast është denoncuar për konflikt interesi nga një qytetar.

Por, gjatë mbrojtjes zonja Xhoxhaj kundërshtoi duke kërkuar të konfirmohej në detyrën, për të cilën i mbaron mandati në 2019. Xhoxhaj replikoi me trupën e vettingut duke theksuar se gjetjet e KPK janë të pabazuara.

“Ju nuk keni llogaritur të ardhurat e bashkëjetuesit” këmbënguli Xhoxhaj, sipas të cilës të treja raportet e deklarojnë në rregull.

“Ju më keni ngarkuar me barrën e provës duke mos njohur ligjin”, shtoi më tej gjyqtarja Kushtetuese, ndërkohë që në dalje komentoi për Top Channel se gjatë vettingut nuk duhet të përbalten gjyqtarët e prokurorët, që sipas saj ruajtën shtetin në vitin 1997.

“Presim me qetësi vendimin e Komisionit duke besuar në performancën e gjithë këtyre viteve të zonjës Altina Xhoxhaj me profesionalizëm, etikë dhe integritet.

E vetmja që ka kaluar vettingun deri më tani është Vitore Tusha , ndërkohë që Gjykata Kushtetuese ndodhet në pikën më të zezë në historinë e saj.

Aktualisht presin që të kalojnë në filtrin e vettingut edhe tre anëtarë të tjerë të kësaj gjykate, ndërkohë që njëri prej tyre ngeli në Shkallën e Parë.

Pas dorëheqjes së Besnik Imerajt dhe shkarkimit të Fatos Lulos dhe nëse nëse shkarkohet edhe Altina Xhoxhaj, Gjykata Kushtetuese praktikisht nuk ekziston më.

Kjo gjykatë ka dalë për herë të fundit në seancë plenare të hapur në datën 19 dhjetor, ndërkohë që javën e kaluar iu komunikoi palëve se nuk mund të formojë kuroumin për një padi të shoqatës së ish pronarëve për një VKM për pronat.

Reagimi i avokates

Avokatja e gjyqtares tha se klientja e saj, Altina Xhoxhaj pret të rikonfirmohet në detyrë.

“Altina Xhoxhaj ka qenë shumë bashkëpunuese me Komisionin. Ajo j i plotëson të gjitha kushtet në të treja komponentët, pasurinë e figurës dhe profesional”, tha avokatja.

Deri tani procesin e vettingut e ka kaluar vetëm gjyqtarja Vitore Tusha. Ndërsa gjyqtarët Fatos Lulo, Besim Trezhnjeva, dhe prokurorja e Prokurorisë së Shkodrës, Besa Nikëhasani nuk kanë mundur të kalojnë procesin e vettingut.

Referuar ILDKPKI, relatorja thote se ky instititucion ka arritur në konkluzionin se Xhoxhaj nuk ka kryer deklarim të rreme, nuk ka fshehur pasuri dhe nuk ka konflikt interesi.

Më 25 prill do të sjhpallet vendimi për gjyqtaren e Gjykatës Kushtetuese, Altina Xhoxhaj e cila sot pati seancën dëgjimore para Komisionit të Pavarur të Kualifikimit.

Loading...

Leave a Reply

Your email address will not be published. Required fields are marked *