Kajmaku në arrati, firma i fitoi tenderin, Bardhi: Rasti më flagrant i plaçkitjes së buxhetit nën mbrojtjen e Ramës

Lajme Politikë

Sekretari i Përgjithshëm i PD, Gazment Bardhi ka reaguar për tenderin që Ministria e Brendshme i ka dhënë gruas së Agim Kajmakut, në një kohë kur ish- kryebashkiaku i Vorës është në arrati dhe ka ‘arrest shtëpie’ për falsifikim të formularit të dekriminalizimit.

Bardhi bën thirrje që tenderi kriminal të anulohet dhe akuzon Ramën që e mbron Kajmakun për të plaçkitur buxhetin e shtetit.

BalkanWeb sot publikoi lajmin se Ministria e Brendshme më 30 dhjetor 2019 i dha tenderin me vlerë 50 milion lekësh kompanisë ‘Kajmaku SH.P.K.’, që administrohet nga gruaja e Agim Kajmakut, Merita Kajmaku për mirëmbajtjen e lulishteve në QSUT.

STATUSI I GAZMENT BARDHIT

Agim Kajmaku është rasti më flagrant i plaçkitjes së buxhetit nën mbrojtjen e Edi Ramës.
Faktet janë të pakundërshtueshme:

1. PD publikoi në Gusht 2019 dokumenta se Agim Kajmaku i Vorës rezulton i dënuar në Greqi, por Edi Rama e mbrojti.
2. Denoncimi i Partisë Demokratike u faktua i vërtetë, por Edi Rama nuk e shkarkoi.
3. Drejtësia kërkoi arrestimin, por Agim Kajmaku u lajmërua më parë dhe u lejua të arratiset.
4. Agim Kajmaku u arratis në nëntor2019, por Edi Rama i dha në janar 2020 tender 57 milionë lekë.

Duke i dhënë miliona lekë një personi në arrati, që ai e emëroi kryebashkiak të Vorës dhe nuk guxoi ta shkarkonte, Edi Rama dëshmon, në mënyrë të përsëritur, se e vetmja gjë që di të bëjë është të palçkisë paratë e shqiptarëve me ca kriminelë, oligarkë dhe të korruptuar.

Ky tender kriminal duhet anulluar! Paratë e shqiptarëve nuk mund t’i marrë një i arratisur që e ka vendin në burg!

foto galeri

Loading...

Leave a Reply

Your email address will not be published. Required fields are marked *