Rrezikohen 200 mijë të papunë, Meta jep dy mesazhe, sfidon politikën me këtë kërkesë

Kryesore Lajme Politikë Slider kryesore

 

Presidenti Ilir Meta ka reaguar ndaj paralajmërimit të lëshuar nga ana e Bankës Botërore se në Shqipëri pritet të mbesin mbi 200 mijë të papunë. Me anë të një postimi në rrjetet socialte, presidenti thekson se të dyja skenaret e Bankës Botërore flasin për një zhytje në varfëri të familjeve shqiptare. “Covid-19 do të zhysë në varfëri, në skenarin më të mirë rreth 100 mijë shqiptarë, dhe në rastin më të keq diçka më shumë se 200 mijë individë, thotë Banka Botërore në raportin më të fundit të publikuar për ndikimin e Covid-19 në mirëqenien e familjeve në Ballkanin Perëndimor si dhe në normat e varfërisë. Banka Botërore parashikon disa skenarë të ndryshëm, sipas të cilëve, të varfërit në Shqipëri mund të ngjiten në 39.6% të popullsisë, në rastin më të mirë, dhe deri në 43.6% në skenarin më të rëndë. Në të dyja skenarët, Shqipëria do të  vijonte të ishte vendi me normën më të lartë të të varfërve në raport me popullsinë në rajon”.

Gjithashtu presidenti ka shfrytëzuar rastin që të bëjë apel edhe për gjetjen e një konsensusi për reformën zgjedhore.

“Ndaj sot të gjithë presin nga palët të mbajnë premtimin e tyre për konsensus.  Jo vetëm kaq, pasi edhe kjo është shumë pak.  Të mos kenë më frikë nga vota e lirë dhe e barabartë e qytetarëve të vendit dhe t’u japin mundësi të shprehen, jo vetëm për partitë, por edhe për deputetët që këta të mos heshtin më në Parlament e të vazhdojnë të ngrenë duart për ligje e politika që shtojnë varfërinë në vend dhe favorizojnë vetëm një grusht oligarkësh dhe politikanësh që kurrë s’duan të japin llogari dhe të mbajnë përgjegjësi. Dhe për të dhënë shembullin i pari ju ftoj të vendosni edhe zgjedhjen e Presidentit nga populli, që në këtë vend Presidenti të mos këtë më detyrime ndaj asnjë partie, por vetëm ndaj Kushtetutës, qytetarëve dhe Republikës”, shprehet Meta.

Loading...

Leave a Reply

Your email address will not be published. Required fields are marked *