Sherri dhe ofendimet e kreut të PD së Gramshit, vjen reagimi i PS

Lajme Politikë

Pas publikimit të videos ku kryetari i Partisë Demokratike të Gramshit, Elmas Haruni, kundërshton dhe ofendon forcat e rendit pas ndalimit që i bënë, ka ardhur reagimi i parë nga radhët e Partisë Socialiste.

Ka qenë pikërisht kreu i grupit të kësaj partie, Taulant Balla, i cili nëpërmjet një statusi në Facebook i është përgjigjur akuzave të PD se ishte “arrestim politik”.

Duke mbështetur sqarimin e dhënë nga Policia e Shtetit, Balla shprehet se Elmas Haruni i është përgjigjur me një “gjuhë rrugaçërore punonjësve të policisë”.

Kreu i grupit të PS shtron edhe pyetjen nëse “do të kërkojë PD falje publike për Lulzim Bahën e Gramshit”.

Statusi i plotë

Shikoni dhe dëgjoni Lulzim Bashën e Gramshit….

Dje Partia Demokratike reagoi shumë ashpër kundër Policisë së Shtetit për një arrestim “politik” të Kryetarit të kësaj partie në Gramsh me emrin Elmas Haruni.

Por sot Policia e Shtetit ka sqaruar edhe me pamje incidentin që e bën tërësisht fajtor këtë person.

Policia e shtetit ka sqaruar ngjarjen e ndodhur dje me kreun e Partisë Demokratike të Gramshit Elmas Haruni i cili nuk iu bind urdhërit të forcave blu madje dhe i ofendoi ata.

Në nje deklaratë për median policia bën me dije se mjeti ku udhëtonte Haruni është ndaluar për një kontroll në hyrje të Gramshit, por gjatë kontrollit të dokumentacionit kreu i PD-së ka kundërshtuar dhe ofenduar me një gjuhë rrugaçërore punonjësit e policisë.

Më pas policia ka shoqëruar në Komisariatin e Policisë Elbasan makinën me gjithë personat që ndodheshin brenda.

Pas këtyre pamjeve, pyetja është a do ta tërheqë PD baltën e mbrëmshme?

A duhet zyrtarisht PD të kërkojë ndjesë publike për Lulzim Bashën e Gramshit?

Loading...

Leave a Reply

Your email address will not be published. Required fields are marked *