Type to search

Ekonomi

Targat “e veçanta” do të shiten deri në 30 mijë lekë

Ndaje

Drejtoria e Përgjithshme e Shërbimit të Trasportit Rrugor ka ulur ndjeshëm afatet për marrjen e kartonit të lejes së drejtimit apo rinovimit të saj.

“Kemi kaluar nga 10-15 ditë, apo në disa raste edhe më shumë, në 2-5 ditë në të gjithë Shqipërinë. Qytetarët njoftohen me anë të një telefonate, apo SMS-je, për tërheqjen e kartonit, apo në rast të rinovimit të saj”, tha Blendi Gonxhe, drejtor i DPSHTRR-së.

Për herë të parë në Shqipëri do të aplikohet edhe një sistem me rezervim “online”, për targat e veçanta apo jashtë radhe për automjetet. Targat e veçanta do të ndahen në kategori, e për ato më të kërkuarat, të cilësuara “targa luksi”, tarifa shkon deri në 30 mijë lekë.

“Një tjetër operacion që kemi kryer është eliminimi i targave me miq, targave VIP apo të të fortëve, apo targave të përzgjedhura jashtë një procedure transparante. S’ka me targa nën tavolinë, ashtu si dhe s’duhet të ketë më lekë nën tavolinë”, tha më tej Blendi Gonxhe.

Ndërkohë, nga analiza rezulton se shumë automjete nuk ndërrojnë pronësinë kur shiten, duke sjellë më pas probleme.

“U bëjmë apel qytetarëve, që të gjithë ata që kanë një traksaksion të tillë të paraqiten në sportele me urgjencë, të bëjnë ndryshimin e pronësisë dhe të jenë të qetë në përdorimin e automjetit, apo ata që shesin të jetë të qetë në jetën e tyre, pasi kanë shitur automjetin”, deklaroi gjithashtu Blendi Gonxhe.

Drejtoria e Përgjithshme e Shërbimit të Trasportit Rrugor ka ndërmarrë edhe disa nisma të tjera, që lidhen me disiplinimin e mjeteve me xhama të errësuar, thjeshtimin e procedurave për certifikatat e transportit, si dhe ngritja e “Task Forcës” që do të operojë në terren.

Lini një koment

Your email address will not be published. Required fields are marked *