Tre orë takim në restorant, Yuri Kim reagon pas darkës me Lulzim Bashën: Ja për çfarë biseduam

Ambasadorja Yuri Kim pas darkës e sotme në kryeqytet me liderin e opozitës Lulzim Basha, ka shpërndarë në rrjetet sociale një mesazh ku sqarohen temat e diskutimit mes të dyve.

“Kemi diskutuar mbi rolin e domosdoshëm të opozitës në demokraci, për mendimin e opozitës mbi shumë çështje, si dhe mbi përgatitjet e 25 prillit. Të gjithë palët duhet të sigurojnë kandidatë të pastër. Shtetet e Bashkuara do bëjnë pjesën e tyre për të siguruar zgjedhje të lira dhe të drejta në Shqipëri”, ishte mesazhi në Twitter i ambasadores të SHBA.