Një debat i ashpër ka ndodhur mes zv.ministrit të Brendshëm Julian Vodës dhe avokatit të njohur, Spartak Ngjelës.
Debati nisi kur avokati tha se struktura e re e krijuar OFL nuk është strukturë ligjore. ‘Nuk e njeh ligji këtë strukturë. Kjo u bë për të sfumuar SPAK-un’- tha Ngjela.
Ti se ke lexuar as aktin normative dhe nuk ke lexuar ligjin- ndërhyri Hodaj.
‘Mos më ndërhy, ti nuk je askush. Të ka sjellë Edi Rama ty. Nuk je askush ti të bësh debat me mua’- vijoi debatin Ngjela.
‘Këta kanë punuar me mafian e ndërtimit. Çfarë bëjnë me këta, marrin 10 vetë i arrestojnë dhe me ato që kanë bashkëpunuar nuk i arrestojnë dot. Është stukturë e panevojshme që synon të sfumojë SPAK-un që të shpëtojnë veten- tha Ngjela.
‘Por SPAK-u është krijuar. Ka kryetarin dhe 8 prokurorë brenda saj- iu kundërpërgjigj Hodaj.
‘Nuk është institucionalizuar akoma se duhet të presë Byronë Kombëtare të Hetimit. Shko paguaj policët se i keni lënë në mëshirë të fatit. S’jam këtu për të bërë debat me ju’- iu kundërpërgjigj Ngjela.
Teksa Ngjela po komentonte ligjin anti-KÇK, në një moment pas shpinës së tij Vodaj ka nisur të buzëqeshë. Kjo gjë e ka acaruar tej mase avokatin, i cili nuk është përmbajtur ndaj zv.ministrit.
Pjesë nga biseda:
Ngjela: A mos qesh! Po hyri qeshja dalim keq.
Vodaj: Po më kërcënon avokat?
Ngjela: Jo, por me qeshje nuk kalohet. Prit të mbaroj unë dhe pastaj fol.
