U arrestua në Kosovë, Gjuriç: Ndjehem keq…

Botë Kryesore

Pak pas orës 20:00, shefi i të ashtuquajturës Zyrë për Kosovën në qeverinë serbe, Marko Gjuriç kaloi pikën kufitare në Merdare, dhe u shpreh para mediave se ndihej keq.

Gjuriç u arrestua në Mitrovicën e Veriut gjatë një takimi me serbët e atjeshëm, pasi hyrja e tij në territorin e Kosovës ishte e kundraligjshme.

Forcat speciale të Kosovës e dërguan Gjuriç në Prishtinë ku e morën për pak minuta në pyetje. Më pas e nisën nën masa të larta sigurie për në kufi me Serbinë.

Arrestimi i Gjuriç ka shkaktuar reagime të mëdha jo vetëm në Kosovë dhe Serbi, por ka sjellë edhe reagimin e ndërkombëtarëve.

Reagimi i mediave serbe

Mediat serbe janë alarmuar pas publikimit të lajmit se se Marko Gjuriç është arrestuar nga Policia e Kosovës në Veri të Mitrovicës.

 “Gjuriç duhet të lirohet, dhe dikush duhet të përgjigjet për këtë veprim. Fuqitë perëndimore që mbrojnë autoritetet në Prishtinë duhet të reagojnë urgjentisht dhe nëse kjo është pjesë e një plani më të gjerë për të destabilizuar Serbinë, atëherë ne duhet të reagojmë ndaj asaj se si ne dimë dhe mund t’i mbrojmë serbët në Kosovë”, ka thënë kryeredaktori i një mediumi serb, raporton Indeksonline.

Këtë arrestim, mediat serbe e kanë quajtur provokim të tmerrshëm.

“Ky është provokimi më i tmerrshëm i mundshëm dhe përpjekja për të shkaktuar një incident në veri të Kosovës për të cilin do të akuzohej Serbia. Duhet të jemi të mençur”, është shprehur Dragan Vuçeviçeviç

Loading...

Leave a Reply

Your email address will not be published. Required fields are marked *