VIDEO/ Në Parlamentin serb, deputeti i bën dhuratë ministres të brendshme rozë

Rajon Rrotull

Serbia ndodhet disa muaj larg zgjedhjeve të reja parlamentare, dhe ky zhvillim politik po përcillet me aksion të shtuar opozitar, shpeshherë ekstrem.

Një incident i tillë u shënua brenda Kuvendit, gjatë një debati mes ministres së Infrastrukturës, Zorana Mihajloviç dhe Partisë Radikale Serbe.

Në seancë po diskutohej për ndërtimin e korridorit të Moravës me vlerë 800 milionë euro, kur deputetët akuzuan ministren si të korruptuar dhe se kishte shtuar në mënyrë fiktive vlerën e projektit me 300 milionë dollarë.

Akuzat dhe mbajtja e një pllakati me mbishkrimin “Rrena Radikale” nga stafi i ministres morën tjetër drejtim pas përfshirjes së deputetit radikal, Milorad Mirçiç.

Mirçiç, i paralajmëruar më herët me vërejtje, ekspozoi para të gjithëve një palë të brendshme dhuratë për ministren, meqë, sipas tij, ajo preferon t’i shpenzojë paratë e shtetit për sende personale.

E ashtuquajtur dhuratë u tentua t’i dorëzohej në dorë vetë zyrtares së lartë.

Ministrja Mihajloviç i cilësoi, pas seancës, pretendimet e palës kundërshtare gënjeshtra të pabaza që vazhdonin prej ditësh e muajsh, ndërsa skenën e pazakontë të deputetëve opozitarë e quajti dhunë klasike në mes të parlamentit.

 

Loading...

Leave a Reply

Your email address will not be published. Required fields are marked *