Vonesa e tragetit, sherr në Portin e Durrësit mes udhëtarëve dhe rojeve të sigurisë (Video)

Kryesore Lajme Provinca Sociale

DURRES- Një sherr i madh ndodhi dy ditë më parë në Portin e Durrësit. Shkak është bërë vonesa e tragetit “Grandi Navi Veloci”, i cili do të udhëtonte drejt Italisë.

Pasagjerët kishin prerë biletën për të udhëtuar në orën 12:00, por iu është dashur të presin për më shumë se 6 orë. Trageti mbërriti vetëm në orën 18:00.

Përveç vonesës, pasagjerët i ka irrituar edhe fakti që nuk merrnin përgjigje nga askush për shqetësimin e tyre. Situata bëhej edhe më stresuese duke llogaritur temperaturat që ishin afër 40 gradë.


Burra, gra, fëmije e të moshuar prisnin jashtë tragetit deri në orën 18:00, dhe askush nga kompania nuk jepte një përgjigje se përse po ndodhte vonesa, ose se kur do të niseshin.

Në port kishte edhe shtetas italianë të cilët dëgjohen që bërtasin. Një prej tyre madje xhiroi dhe postoi këtë video, ku është filmuar sherri mes pasagjerëve dhe rojeve të sigurisë së portit, të cilët kanë përdorur për dhunë çfarë gjenin përpara. Balkanweb

Loading...

Leave a Reply

Your email address will not be published. Required fields are marked *