Vrasjet në Shkodër, Voltana Ademi- Edi Ramës: Mjaft më!

Kryesore Lajme Politikë

Voltana Ademi, kryetarja e Bashkisë së Shkodrës ka reaguar në lidhje me vrasjen e Arjan Verracakut, ndodhur mesditën e sotme në këtë qytet, duke theksuar se në vetëm tre muaj janë shënuar 6 viktima në Shkodër, Ademi thotë se qyteti “po përjeton periudhën më të vështirë ku krimi po bën ligjin”.

“Në më pak se tre muaj janë 6 të vrarë dhe dy persona të zhdukur në territorin e Bashkisë së Shkodrës. Ankthi për jetën dhe të nesërmen po zbret frikshëm në këtë rajon”, thotë Ademi.

Kryebashkiakja më tej bën një apel të gjerë për kryeministrin, policinë dhe gjithë aktorët politikë që të ndalin këtë valë kriminale që ka terrorizuar banorët e Shkodrës.

“Si nënë, motër, grua, si kryetare e Bashkisë së Shkodrës i drejtohem kryeministrit të Shqipërisë, e Qeverise: Mjaft më! Ju mbani përgjegjësi për këtë që po ndodh! U drejtohem të gjitha forcave politike, deputetëve e medias, përfaqësive ndërkombëtare në Shqipëri: Ju s’mund të qëndroni indiferent! Askush nuk mund të qëndrojë indiferent! Për fëmijët dhe familjet tona, për të ardhmen tonë e të Shkodrës tonë! Shkodra nuk është dhe nuk duhet të jetë kurrë kjo e tre muajve të fundit, nuk duhet ta lëmë të hyjë në një rrugë pa kthim”, nënvizon Ademi.

Postimi i plote ne Facebook

Shkodra po përjeton periudhën e saj më të vështirë ku krimi po bën ligjin!

Në më pak se tre muaj janë 6 të vrarë dhe dy persona të zhdukur në territorin e Bashkisë së Shkodrës.
Ankthi për jetën dhe të nesermen po zbret frikshëm në këtë rajon.

Si nënë, motër, grua, si kryetare e Bashkisë së Shkodrës i drejtohem kryeministrit të Shqipërisë, e Qeverise: Mjaft më! Ju mbani përgjegjësi për këtë që po ndodh!

U drejtohem të gjitha forcave politike, deputetëve e medias, përfaqësive ndërkombëtare në Shqipëri: Ju s’mund të qëndroni indiferent! Askush nuk mund të qëndrojë indiferent! Për fëmijët dhe familjet tona, për të ardhmen tonë e të Shkodrës tonë!

Shkodra nuk është dhe nuk duhet të jetë kurrë kjo e tre muajve të fundit, nuk duhet ta lëmë të hyjë në një rrugë pa kthim.

Loading...

Leave a Reply

Your email address will not be published. Required fields are marked *